[PDF] وصفة كتحيد فقر الدم و كتفتح الشهية
السلام عليكم اخواتاتي العزيزات اش اخباركم انا غير نلقا شي حاجة
زوينة و مفيدو و بالتجريب كنجي كنجري نفيدكم لان الله الي عالم شحال كنبغي الخير
للناس و نبغي نشوف كلشي على خير و بخير يا الله هزوا يديكم و ادعيوا معايا باش ديما
نجيب ليكم الجديد على هاد المدونة www.laalamolati.blogspot.com
بلا ما نطول عليكم
اخواتاتي هاد النهار جبتلكم وصفة كتحيد فقر الدم و كتفتح الشهية و
بالتجريب بالتجريييييييييب خالتي دايرها دابة كتشربها هي و راجلها غزالة
المقادير
في كوكوط ديال 8 اترو و لا الي عندك ديري كاس حلبة منقي و مغسول حفنة
زعتر رابعة عدس زلافة صغيرة شعير بلدي كناكد على شعير بلدي عمري عليهم الكوكوط
بالماء سديها ديري السفارو و خليها حتي تطيب العناصر و نخليوها و نطفيوا عليها
العافية حيديها من فوق البوطة و خليها حتى للصباح عاد صفيها و عمري المحلول في
قراعي ديري في التلاجة و بقاي تشربي كاس في الصباح على الخوا خلي شي قرعة عللى برة
باش ما تشربيهش بارد بزاف المهم شربي كاس على الخوا شي نصف ساعة عاد فطري و كاس قبل
ما تنعسي راه كيعطيك القوة و الصحة و تيدير فيك الدم و كيفتح الشهية راكم غادين
ترتاحو
ما تنساوش امانة عليكم ادعيوا
معايا و الى عطيتوها للناس قولهم يدعيوا معايا بزاف الله و الله يحفظنا من عين
الحاسدين و يحفظ امة سيدنا محمد
شاهدي المزيد من الوصفات على
www.laalamolati.blogspot.com
Posts
